يعاني أهالي قرية بني عدي التابعة لمركز ناصر ببني سويف، كغيرهم من جميع القرى المجاورة، من مشكلة انتشار القمامة بالطرقات وأمام المنازل والمدارس، وسط حالة تجاهل من المسؤولين وسخط من الأهالي.
انتشرت القمامة في مداخل القرية حتى وصلت إلى أراضي الفلاحين لتختلط القمامة بمياه الري.
يقول أحد الفلاحين: “القمامة في البلد مكنتش كتيرة من زمان وكان المجلس المحلي بيتابع كل شوية بس للأسف من شهر أو شهرين أهو مش بيعمل حاجة وسابونا والزبالة انتشرت بشكل كبير جدًا في كل مكان ولما كلمنا المجلس قالولنا هنشغل عمال النظافة تاني وطنشونا”.
وقال “خالد راضي”: “والله تعبنا من الشكوى للمجلس بقت الزبالة في كل الشوارع بتجيبلنا نموس وقرف ومش كده كمان الناس برده بترمي كمان الزبالة في الشوارع برده وتيجي تكلم حد يقلك هو فيه عربية نرمي فيها والمجلس مش بيبص لحد”.
