رمضان في كل مكان كعادته تُضاء له الشوارع وتُعمر له المساجد، وتستقبله القلوب بالفرحة، أما هذا العام بدأ رمضان ببني سويف، ليس كغيره من الأعوام الماضية، فهو منذ أن بدأ واستمر حتى الآن في حالة من الهدوء، فلا بيوت زُينت، ولا شوارع جُملت، ولا فوانيس اُضيئت.
ويرى أهالي بني سويف، أن رمضان هذا العام بدأ واستمر وكاد أن ينتهي في أجواء سياسية ملتهبة، مع تردي في الأوضاع الاقتصادية فغابت فيها كل مظاهر الفرحة السنوية برمضان فنسى الناس العبادة والفرحة فانسلخ عنهم رمضان.
يقول خالد جمال: “والله شهر رمضان شهر عبادة بيخلينا نحس بالفقراء والمساكين، وبيخلينا عندنا قوة إيمان قوية بتساعدنا في الشهور التانية في العبادة”.
وقال ممدوح سيد: “شهر رمضان شهر روحانيات وإيمانيات عشان نزداد فيه إيمان ونقرب من ربنا، شهر رمضان السنادي بقينا مش عارفين نعبد ربنا خالص، الأوقاف قفلوا كل الجوامع، الاعتكافات اتلغت”.
وقال راضي شعبان: رمضان كان بالنسبة لنا مرحلة تانية بتغيرنا خالص، كنا بنستناه كل سنة بفارغ الصبر، السنادي بدأ وانتهى أهو رمضان، واحنا مش حاسيين بيه خالص بقينا مش بنعرف نقعد في الجوامع، ولا عارفين نصلي ،معظم المساجد في بلدنا في مركز الواسطى اتقفلت”.
فيما قال رمضان سعيد: “للأسف فيه أحزاب سياسية انشغلت بالأمور السياسية، وتركت كل أفعال الخير اللي بتعملها كل سنة في الشارع”.
