شهدت محافظة المنوفية، انقطاعًا للتيار الكهربائي عن عدة مناطق، منها قرية كفر هلال الصناعية بمركز بركة السبع، والتي تحتوي على 25 مصنعًا للغزل والنسيج، لمدة جاوزت 10 ساعات متواصلة، يوم الجمعة الماضي فقط، ما أسفر عن خسائر تقدر بآلاف الجنيهات.

ولم يختلف الأمر كثيرًا عن المنطقة الصناعية بقويسنا؛ حيث تسبب انقطاع التيار في توقف عدد من المصانع عن العمل، كما انقطع التيار عن قرى لمدة تعدت الـ7 ساعات.

وانقطعت الكهرباء عن مركز منوف 12 ساعة متواصلة يوم الجمعة الماضي، و8 ساعات يوم السبت، وذلك على نقيض تصريحات سابقة لمسؤولي الكهرباء بالمنوفية، بأن الانقطاع لن يزيد على الأربع ساعات يوميًا، وفي أوقات منفصلة.

يقول سامح عمر، عامل في أحد المصانع في قويسنا: “قطع الكهرباء متكرر رغم أن قويسنا منطقة صناعية ولكن لا يراعي ذلك، وطبعًا ده يؤثر علي الإنتاج لأن المصنع مش بينتج الكميات المطلوبة منه، وده بيأثر على الرواتب وبيوتنا هتتخرب بسبب الكهرباء”.

وقال محمود ياسر، صاحب محل لحوم مجمدة في منوف: “أنا خسرت في يومين  5 الآف جنيه، اللحوم باظت كلها، ده لما الكهرباء بتقطع ساعتين في حاجات بتبوظ تخيل بقى 12 ساعة”.

ويضيف جمعة سعيد، عامل في شركة غزل ونسيج بكفر هلال ببركة السبع، “المنطقة هنا كلها صناعية لما الكهرباء بتقطع بتدمر كل حاجة، والإنتاج بيقف، يعني الشركة اللي أنا فيها خسرت ما لا يقل عن 25 ألف جنيه، وطبعًا بيوت العمال هي اللي اتخربت؛ لأن أصحاب الشركات بتعوض خسارتها من خصومات في رواتبنا”.