فوجئ مواطنو المنطقة الحادية عشر بالسادات بالمنوفية، أثناء انتظارهم أمام مخبز، بخروج سيارة نصف نقل مليئة بالخبز للمزارع، فتجمهروا أمام السيارة ورفضوا الإنصراف حتى كاد السائق يصطدم بهم.
وكان الأهالي قد مكثوا 3ساعات أمام مخبز الجامعة، في انتظار خروج الخبز، أمام المخابز، دون معرفة ماهي الأسباب الحقيقية، وراء ذلك.
يقول محمد أسامة، “أنا باجي كل يوم آخد الحصة بتاعتي من العيش وفجأة النهاردة صاحب الفرن يقولي مفيش رصيد اصرفلك منين؟ ولما اعترضنا واتجمهرنا خرج عامل من الفرن وقال “خدوا عيش حر الـ10 ب 2 جنيه غير كده مافيش عيش” .
وقال ياسر محمود “أنا كنت همشي لما قال مفيش عيش على مايصرفوا واجي آخد حصة اليومين، بس تخرج عربية فيها 1000 رغيف للمزارع، واحنا اصحاب العيش نمشي من غيره؟؟”.
وأضاف عماد أحمد “هوه العيش ده مش من حق المواطنين؟ ازاي يروح للمزارع ؟ وكمان لو المزارع هياخد يبقى مش من حصة الناس ده، احنا لما طلبنا العيش، وكان رد عامل الفرن علي المواطنين خرج صاحب الفرن قال لنا “الرصيد خلص مافيش عيش تعالوا بكرة”، طيب ازي مفيش عيش وانت مطلع حصة كبيرة علي عربيه نص نقل للمزارع ؟”.
علق أحد عمال الفرن “احنا ملناش ذنب الرصيد خلص واحنا عرضنا عليهم يخدوا عيش حر ماقلناش لحد يمشي اما حصة المزارع دي بتطلع علي طول”.
