اشتكى أهالي حي المنشية، بمركز المحمودية، التابع لمحافظة البحيرة، من غرق معظم الشوارع في مياه الصرف الصحي، وسط تخوفهم من انتشار الأمراض المعدية، خاصة بين الأطفال؛ وذلك بسبب ركود مياه الصرف في معظم الشوارع.
ويؤكد الأهالي تجاهل المسؤولين لهم، رغم تقديم عشرات الشكاوى، مشيرين إلى أن الأمر يزداد سوءًا، فضلًا عن الأمراض والأوبئة التي تصيبهم.
من جانبه، قال خالد رمضان، مزارع: “أنا راجل على باب الله، بقوم الصبح شايل الفاس ورايح الغيط، ومعايا لا مؤاخذة البهايم، ولو بهيمة غرست ممكن تقع تتكسر، وأنا يتخرب بيتي، وبعتنا شكاوى، الناس المتعلمين اللي هنا كتبوها على أساس إن المجلس ييجي يشفط المياه، ولمينا من البيوت فلوس عشان نشتري ردم نحطه في الشارع، بس لحد دلوقتي مفيش حد جه يعمل حاجة وزهقنا”.
وقالت الحاجة سميحة عز الدين، صاحبة كشك: “الشوارع شكلها وحش، والله كان جاي عريس لبنتي ياسمين الأسبوع اللي فات وبقينا في نص هدومنا إن أهله ييجوا يشوفوا الشارع كده، وحسبي الله ونعم الوكيل في الحكومة اللي ظلمتنا”.
