تصدر هاشتاج  “#هعمل_ايه_بالسبعه_جنيه” القائمة الأعلى في مصر، وذلك بعد تصريحات وزير التموين بأن الوزارة ستصرف منحة في رمضان لكل فرد مسجل على البطاقة التموينية، قدرها 7 جنيهات.

وتداول المغردون الكثير من التعليقات الساخرة، تحت هذا الهاشتاج، ما بين اقتراحات لاستغلال السبعة جنيهات في أمور مفيدة، وبين السعادة الغامرة بها، واهتمام الحكومة بالشعب.

وقالت لطيــفه  LatiFah“أحولهم لريال سعودي وأشتري سنكرس”.

وقال Mahmoud.A.Vendita “هو السيسى مش قال الفرخة بــ 75 قرش طيب شوف هشترى كام فرخة بالسبعة جنيه”.

واقترح ‏@MmadoO70 “هاجيب بيهم 1/4 رز و 1/4 قمح ..وازرعهم وانمى اقتصاد بلدى بقى.. واجيب بالباقى لبان عشان منزهقش م القعدة مستنيين المحصول”.

وقالت عازفة ع اوتارالحرية “هشغلهم في البورصة“.

واقترحت Manar “محتارة بصراحة مش عارفه هعمل بيهم ايه ولا ايه و لا ايه كتير اوي الحكومة كده هتبوظ اخلاق الشعب بالمبالغ دي”.

فيما اقترح أحــمــد ســالــم “هتبرع بيهم للسيسى عشان يعمل صيانة على فلاتره اصل عنده ازمة فلاتر اليومين دول”.

وعلق ذكي بشكها “السؤال بقي هما السيساويه زعلنين ليه من الهشتاج.. داحنا فرحنين ان الحكومة حاسة بالغلبان.. وبنتفشخر بيها أمام الأمم..

ده الهشتاج كمان وصل للأهرام الخوف لحسن يشوفوا اللي هنعمله بالفلوس يلغوا المنحة”.