أفادت تقارير صحفية رسمية أن المهندس كمال أبو العزايم فهمي، رئيس قطاع كهرباء سوهاج، أشار إلى أنه مع بداية شهر يونيو سيتم تطبيق منظومة العداد مسبق الدفع بهندسة كهرباء سوهاج لتطبيق نظام شحن العداد الكهربائي بواسطة كروت الشحن .
وأضاف أبوالعزايم أنه سيتم تطبيق خطة إحلال واستبدال العدادات القديمة بالعداد المسبق الدفع لجميع العدادات لتوفير الراحة للمواطنين وعدم الإزعاج أثناء مرور المحصل والكشاف أثناء قراءة العداد، وأنه يسهل على المواطن ترشيد استهلاكه ومتابعتة بدقة على الشاشة الرقمية للعداد، مشيرا إلى أن هذه العدادات بكارت يتم شحنه بإدارة هندسة كهرباء سوهاج التابعة لقطاع كهرباء سوهاج، ويتم وضعه بالعداد وعند انتهاء الرصيد بالعداد يفصل التيار، ولا يتم فصل التيار في العطلات الرسمية حتى في حالة نفاد الرصيد .
ومن جانب آخر، عبر مواطنو سوهاج عن إستيائهم وغضبهم من جراء تلك الخطوة، واصفين إياها بالذل وإستحقار الناس، متسائلين كيف يمكن لخدمة الكهرباء أن تكون بنظام الشحن وهي حق وملك للجميع دون فرض شرط أو قيد عليها, والأقذر من ذلك سيتم تطبيقها في أيام الصيف الحارق وعلى أعتاب شهر رمضان الكريم .
وقال أحمد عبدالعال، موظف، ” الناس ملهاش حق تشتكى طول ما هى ساكتة على الذل والهوان اللى بيحصل ليهم, ولما حرامية ولصوص المحافظة تلقاهم من عائلات كبيرة في النهب والنفوذ والسلطة هي اللي بتتحكم في المرافق المهمة زي الكهرباء مثلا، يبقى مفيش فايدة نهائي إنك تلاقي أمل أو خير وهم مش تعبانين في حاجة ولا فقراء زي عامة الناس”.
وأضاف أشرف جمال، موظف، “حتى الكهرباء حيخلوها بالقطارة ونتحرق احنا وسط لهيب الجو, نعيش ونستحمل ازاى؟ وهنعمل ايه فى رمضان ومحدش سائل ولا متكلم, وكفاية إن الكهرباء بتقطع بالساعات والفواتير بتيجى غالية وحسبنا الله ونعم الوكيل “.
