تسود حالة من الاستياء بين أهالي محافظة الفيوم، من استمرار وزارة الأوقاف في تنفيذ واتخاذ القرارات التي اعتبروها بأنها تطمس الهوية الإسلامية للدولة، والتي أحدها قرار منع تشغيل قرآن الفجر في المساجد،  والذي تم اتخاذه منذ شهر.

وتمتنع مساجد محافظة الفيوم عن تشغيل القرآن الفجر في مكبرات الصوت والاكتفاء بالأذان فقط، كما منعت أيضا تشغل مكبرات الصوت الخارجية وقت الصلاة والاكتفاء بالداخلية فقط.

 وقامت وزارة الاوقاف فى الفيوم بعمل لجان متابعة وتفتيش على المساجد للتاكد من تنفيذها ذلك القرار وتوقيع العقوبات على من يخل بها، وسط غضب من المواطنين الذى وصفوا تلك التصرفات بالغربية والمستفزة.

وقال أحمد حسن، “مش عارف هوه القرآن الفجر عاملهم ايه؟ احنا كنا بننتبه لصلاة الفجر من تشغيل القرآن، الحكومة بتاخد قرارات غريبة“، وأضاف محسن عبدالله “والله اشتقنا الى القرآن الفجر وصوت المساجد ليلا،  هما بيحاولوا يطمسوا كل حاجه اسلامية فى البلد حتى صوت القرآن بليل، وإن شاء الله ربنا مش هيكمل أهدافهم وافكارهم ده”.

فيما قال أحد عمال المساجد، “القرار كان موجود من فترة بس رغم كده كنا بنشغل برده القرآن عشان الناس تنتبه للصلاة قبلها، وده حاجه كل أهل المنطقة حبينها ومحدش جه اشتكى قبل كده، وفجأة فى يوم اول الشهر لقيت مفتش من الوزارة دخل عليا المسجد بليل وأنا مشغل القرآن وكأنى مشغل اغانى فى المسجد وزعقلي، وادانى خصم 5 أيام، وقالى لو اتكررت تانى هتتحول للتحقيق وهتتنقل، هنقول ايه بس غير حسبى الله ونعم الوكيل ربنا على الظلمة .“