تصاعدت أزمة الوقود بشدة في معظم مراكز محافظة بني سويف، مما يؤدي إلى إغلاق عدد من الطرق المقابلة لمحطات البنزين بسبب الازدحام، في الوقت الذي يقف فيه المسؤلين مكتوفي الأيدي، عاجزين على حل هذه الأزمات.

يقول محمد سيد، سائق، “مفيش فايدة ومفيش حل بنضيع الوقت كله على الوقوف قدام البنزينة، يعني نطلع من الصبح نشتغل ونجيب رزقنا، مبيحصلش، لأننا بنقف أدام البنزينة نمون بالساعات” .

وأضاف خالد شكري، “جركن السولار الـ20 لتر بقى بـ50 جنيه، لتر البنزين 80 بـ3 جنيه ومش لاقيينه، كمان في السوق السودا حتى 92 هيغلوه هيبقى بـ4.5 ، طيب هنجيب منين يعني؟ أوكل مراتي وعيالي ولا اجيب بنزين عشان اشتغل؟”.

وتابع سمير نبيل، قائلا “بنطلع من الصبح لغاية العشاء شغالين لو جبنا مثلا 100 جنيه في اليوم بدفع منها 40 جنيه بنمون العربية مثلا وبيفضل 60 جنيه، صاحب العربية بياخد 40 وبيديني 20 جنيه، طيب 20 جنيه دى هتجيب ايه ولا هتعمل ايه؟ يعني اموت أنا ومراتي وعيالي؟ ولا اشتغل بلطجي أحسن وناخد فلوس من الناس زى اللي بيعملوا؟ .

وكشف أحد  العاملين بالمديرية، لــ”رصد”، عن وجود نقص وصل لـ40% في التموين في بني سويف، لأن الحصة لا تصل كاملة، إلا أن المحافظ يحاول توفيرها من أي محطة قريبة.