لا زال الظلام يخيم على محافظة الفيوم لأكثر من 16 ساعة فى قرى مركز سنورس واطسا ويوسف الصديق، وفي مناطق أخرى تنقطع الكهرباء أكثر من ثلاث وأربع مرات في اليوم الواحد في مدد تتراوح بين ساعة وساعتين .
وتسود حالة من الاستياء بين أهالي المحافظة، متهمين الحكومة بالتقصير والفساد بسبب استمرار انقطاع الكهرباء وزيادة الفواتير، مشيرين إلى أن وعود الحكومة بإنهاء أزمة انقطع الكهرباء مجرد تصريحات إعلامية لا ترقى أبدا إلى الفعل على الأرض الواقع.
يقول حمد عبدالله “أنا ابنى في 2 ثانوى والامتحانات شغالة وكل شوية الكهرباء تقطع، العيال مش عارفه تذاكر، وبعدين يجيلي فاتورة 100 جنيه، هوه موت وخراب ديار كمان ؟”.
واضاف محمود عيسى “هوه أصلا لا بقى في دولة ولا بقى في نظام كل حاجة في البلد خراب خراب، مش عارفين نعيش، الكهرباء بتقطع في اليوم أربع وخمس مرات كتير جدا والدنيا حر هنعمل ايه؟ “
وقالت هناء عبدالجواد “ولادي مش عارفين يذاكروا، الكهرباء قاطعة من امبارح باليل, حرام عليهم العيال هتسقط، يعنى لو هيقطعوا الكهرباء يختاروا الأوقات ميجوش في عز الامتحانات ويقطعوا الكهرباء كده.“
