شنت قوات الأمن بالإسكندرية حملة لإزالة مساكن الأهالي بأرض الأوقاف بمنطقة الإصلاح، قبل قليل، بدعوى أن المباني مخالفة.
وتجمهر الأهالي، محاولين منع قوات الأمن هدم المنازل، بينما يقول “حسين.س”، بواب: “أنا راجل كبير في السن، ولو العمارة اللي أنا فيها اتهدت، أنا كده مش هلاقي مكان أبات فيه، وولادي مسافرين، أروح فين”.
وقال محمد حسنين، طالب جامعي: “هو إحنا دايما حكومتنا تيجي ع الغلابة؟ مايروحوا يشوفوا الناس اللي ناهبة البلد، وعليهم إزالات من سنين سايبينهم وجايين على ناس متكوّمين عشرة في أوضتين وصالة”.
وقال أحمد عبد الخالق، صاحب قهوة: “أنا دلوقتي بقى هجيب ولادي وأخليهم يسكنوا معايا في القهوة، ما خلاص مش هيبقى لنا سكن في أم البلد دي”.
وقالت الحاجة سامية الصعيدي، إحدى الساكنات: “منك لله يا حكومة خربتوا بيوتنا وشردتونا، وضحكتوا علينا، وجايين كمان دلوقتي تطردونا من بيوتنا، أنا مش هتنقل من هنا إلا على جثتي”.
