سادت حالة من الغضب بين أهالي غرب الاسكندرية بسبب انقطاع مياه الشرب لليوم الثالث على التوالي.
وخاطب أهالي غرب الاسكندرية الشركة القابضة للمياه ، كما تقدموا بعدة شكاوى ، ولكن دون جدوى.
واشتكى أهالي الاسكندرية لـ”رصد” من سوء تعامل المسؤولين مع الأمر ، وإهمال الحكومة لاحتياجات المواطن.
وقالت “رضوى محمد”: “احنا زهقنا وجبنا آخرنا ، العجمي كلها مفيش حد حاسس بينا وكأننا مش بنى أدمين مضيفة أنهم يعيشون منذ 3أيام بدون مياه.
وعبر أحمد خليل عن غضبه قائلًا “الواحد مش عارف يروح لمين ولا يتكلم مع مين روحنا للحي والشركة ، وفى الاخر شكل المية اتلوثت ومش عايزين يقولوا والموضوع هيطلع بجد”.
وقال مصطفى عاطف “ياريت لو فى حد عنده ضمير يقول ان المية هتقطع نعمل حسابنا ودلوقتى مفيش حد عايز يفهمنا ليه المية مقطوعه ولا هترجع امته ، ولو فيها حاجة يقولوا نتصرف نعمل اى حاجة ع الاقل نشاركهم المشكله لكن كدة هشربونا مية تموتنا ولا هيفضلوا قطعينها علينا”.
وناشدت شروق صابر المسؤولين قائلة “مش هقول محافظ ولا رئيس حى فين السيسى يجى يقولنا المية مقطوعة بقالها 3 أيام ليه؟ ، ولا المية اتلوثت وخيفين يقولوا”.
