سخر نشطاء موقع التواصل الاجتماعي، “فيس بوك”، من شرط وزارة التنمية المحلية بحكومة محلب، لقبول شباب في التعيينات الحكومية، إذ حددت 16 عاما خبرة كشرط لتعيين الشباب.
وكانت التعليقات كالتالي..
“والله تحس إن الحكومة بتنزل الإعلانات دي علشان ترفه على الشباب.. حكومة مرحة”، “مينفعش 15 ونص”، “عندهم مرحلة الشباب بتبدأ من 50 سنة”، “16 سنة يعني يتولد من بطن أمه تحت التدريب ولا إيه مش فاهم أنا”.
“يدرس اد 22 سنة .. وخبرة 16 سنة.. يبقا شاب أد 38 سنة.. وكمان سنتين يخش ف 40 سنه. يطلع ع تاهيل المهنى عدل”،” لما ابقى ف سن بابا هبقى اشتغل”، “شباب تحت 60 سنة”،” شباااب من أنهي اتجاه”،”ودا قمه الإعجاز العلمى”،”اتولدو معاهم خبرتهم”، “خبره 16 سنه بس دا تهريج ازاى الحكومة بتتنازل بالشكل المهين دا”.
“أيوه خبرة يعنى يكون اشتغل وهو عنده 10 سنين ولما يوصل 26 سنة يبقى عنده خبرة”،”يا جدعان عادى.. أحمد عز كان بيكافح من وهو صغير.. وهو عنده 15 سنة.. وبقى دلوقتى برنس البرنسات اهه.. يبقى 16 سنة وخبرة عادية جدا”، “شباب مروا بمرحلة الشيخوخة المبكرة”، “يعنى لسه شاب بردو 16+21 = 37″، “الخبرة قبل الولادة”.
“انت بتتخرج 21 سنة.. تخلص جيشك 22 .. بعد 16 سنة تبقى 38 يعنى تكنيكالى لسه شباب تحت الاربعين،” دول كدا عايزين مسنين”،” شباب سن لا يقل عن 50 سنه ولا يتعدى ال 95 “،” آه عندنا شاب 57 سنة ده شاب كويس ولا عايزين أكبر”.
