كثفت قوات الأمن تواجدها حول أقسام الشرطة والمباني الحكومية، وكذا الكنائس والشوارع المحيطة بها في محافظة بين سويف، لتأمينها مع قدوم أعياد القيامة المسيحية، وكذا عيد شم النسيم، غدًأ الإثنين.

وأدى التواجد الأمني المكثف، إلى تعطيل حركة المرور، متسببًا في شل حركة المواطنين وتنقلهم، بسبب إغلاق عديد من الشوارع بالمحافظة.

وتعليقًا على الأمر، يقول “مينا.س”، وهو مقيم بحي مقبل، جوار كنيسة المرقصية: “هما فعلًا قافلين الشوارع وده شيء بيعيق حركة السير، ولكن بيقولوا ده عشان نكون في أمان، احنا طول عمرنا في آمان ومبيحصلش حاجة مع اخواتنا المسلمين، لكن طالما دي تعليمات الحكومة يبقي ننفذها”.

وقال الحاج “أحمد.ع”، وهو سائق ميكروباص: “بضطر ألف شوارع كتير عشان أوصل المكان اللي عايزه، وقافلين الطريق الموجود في خط السير اللي بنمشي منه، ومع أزمة البنزين وغلاء سعره دي مشكلة كبيرة ومفيش زيادة في الأجرة”.

من جانبه، قالت “سامية.ل”: “هي المشكلة الوحيدة اللي بتقابلني في الزحمة الشديدة، بسبب قفل الشوارع وده بيضع وقتنا كتير”.

فيما قال حارس على إحدى الكنائس: “في شغل كتير الفترة دي، واحنا تعبنا جدًا ومفيش زيادات في المرتب، أو أي حافز للعمل الإضافي ده، بس هنعمل إيه؟ أدينا شغالين“.