اشتكى عدد كبير من فلاحي محافظة المنيا، من نقص السولار، وقود الآلات الزراعية المخصصة للحصاد، ما أدى لخسارتهم بشكل كبير، حسب قولهم.
هذا. فضلًا عن المعاناة التي يمر بها الفلاح في سبيل الحصول على السماد، بسبب زيادة أسعاره، فضلًا عن نقسه، وكذلك مشكلة صعوبة وصول المياه للأراضي الزراعية.
يقول "سيد.م" (فلاح): "احنا بنزرع القمح عشان نقدر نعمل للبلد دي حاجة، ونجيب رغيف العيش اللي بناكله. أما الدولة مش موفرة أي دعم للمحصول، حتى سعر الأردب مش محصل المصاريف اللي بتصرف عليه من سماد ورعاية".
وأضاف "رضا. س" (فلاح): "الإيجار غالي والسماد غالي والمياه مش لقينها، وكمان مش عارفين نحصد الزرع ومفيش حد سأل والسبب نوم الدولة وعدم رعايتها للفلاح بأي حاجة".
كذلك اشتكى "أحمد. ع" (مزارع)، قائلًا: "حسبي الله ونعم الوكيل في كل مسؤول قاعد في مكتبه ومش عارف أي حاجة من اللي بيحصل، احنا مش زارعين قمح تاني لأن دي خساره على الفلاح".
