بعد زيادة أسعار الأسمدة الكيماوية للمرة الثانية خلال عام واحد مع بداية الموسم الشتوي والتي أقرتها وزارة الزراعة في حكومة محلب، بزيادة 30% ليصبح 100 جنيه بدلاً من 70 جنيه، برزت هذه المشكلة في هذا الوقت بالتحديد بعد انتهاء حصاد محصول القصب والبداية في زراعة المحصول الجديد واتجاه المزارعين لصرف مستحقاتهم من السماد من الجمعيات الزراعية.
تضاف بذلك أزمة جديدة على كاهل المزارعين، في ظل ارتفاع سعر السولار وارتفاع أجرة العمال وثبات سعر المحصول.
وفي هذا الشأن يقول شريف علي أحد المزارعين: "إحنا كل شوية مش واخدين من الحكومة غير الزيادة في الأسعار وما حدش حاسس بالمزارع ، يعني الفدان أصلا ربحيته 4000 جنيه ومع زيادة السماد كدة الربحية هاتقل والزراعة مش جايبة همها والحياة بقت مولعة نار".
فيما أضاف مسعد فرج، مزارع : دلوقتي بناخد الشيكارة ب 100 جنيه ومش بيصرفولنا غير ربع الكمية وغصب عننا بنجيب الباقي من السوق السوداء ب 150 او 160 وساعات 170 يرضي مين دة بس".
وقال سيد عمر: "الأزمات شغالة علينا ورا بعض والحكومة ناسيانا، يعني السماد عمال كل شوية يزيد والسولار رافع وبندور المكن بالغالي عشان نزقي الأرض ويومية العامل بـ 60 جنيها في اليوم وما فيش زيادة في سعر المحصول ولو حسبت المكسب في الاخر مش مغطي حاجة ومصاريف الحياة بقت غالية وما حدش باصص للمزارع الغلبان".
