يعاني أهالي قرية “شنراق”، التابعة لمركز السنطة بمحافظة الغربية من تلوث مياه الشرب، مُعتبرين أنها لا تصلح للاستخدام الآدمي، إذ إنها بيضاء اللون، مما قد يسبب الكثير من الأمراض.
وأشار الأهالي إلى أنهم عندما حاولوا إصلاح الوضع، وتنقية المياه، أنشأوا محطة لتنقية المياه بالجهود الذاتية، من أموالهم، إلا أن حكومة الانقلاب أوقفت المشروع.
يقول محمد محمود: “المية عندنا على طول ملوثة، وعشان نشرب ميه كويسة بنروح قرية ميت حواي والقرية بتبعد عننا مسافة لا تقل عن 4 كم“.
فيما قالت سامية السيد: “بعتنا شكاوى كتيرة للمسئولين ومحدش بيعمل حاجة، بيحسسونا إن احنا مش من حقنا نعيش زينا زي غيرنا“.
وأضاف المتولي حسين، إمام مسجد: “أهل البلد جمعوا فلوس من بعض وعملوا مكان لتنقية المياه، وكل البلد كانت بتروح تاخد المية من هناك، بس الحكومة وقفت المشروع ومحدش عارف السبب“.
وتابعت أمينة علي: “أنا عندي نقرس في رجلي والدكتور قالي مينفعش أشرب ميه ملوثة، ولازم أشرب مية معدنية عشان أخف، واللي جاي على أد اللي رايح، ومش حمل إنى أشيل عبء ميه معدنية كمان، فبضطر أشرب المية العادية اللي هي ملوثة”.
