شهدت شوارع وميادين العاصمة (القاهرة)، أمس الخميس، حالة من الاختناق المروري الشديد، بخاصة في شرق القاهرة، ما تسبب في حالة من الاستياء بين المواطنيين سائقي الأجرة، إذ تسببت أزمة المرور في تأخرهم عن مصالحهم.
واستطاعت “رصد” التجول بين المواطنيين والسائقين، وكشف الأسباب الحقيقية وراء تلك الأزمة من وجهة نظرهم، فهذا شريف محمد (سائق)، يرى أن الحكومة نفسها وراء الأزمة، معللًا قوله، بوجود لجان المرور (الكمائن)، وإيقافها للسيارات بلا داعٍ.
وأضاف “محمد” قائلًا: “ياريتها على اللجان بس، كمان لما بيوقفك في الطريق لازم يطلع ليك مخالفات، ولازم تدفع فلوس، فبيحصل شد وجذب بين رجال المرور وبين السائقين، فتلاقي الحركة بطيئة. يعني مش حرام لما أدفع 500 جنيه مخالفة وأنا لسه بقول ياهادي؟!”.
من جانبه قال أشرف إبراهيم (سائق): “الحكومة ماشية غلط، وبتخلينا نمشي غلط، يعني لما كل شوية حفر طرق، وتغيير في الأرصفة من غير أي أسباب وكل شويه نلاقي يافطة ’منطقة عمل’ فالسواق هيعمل ايه؟ هيضطر يمشي في الطريق العسكي طبعًا”.
وقال السائق أبوصلاح محمد: “الحكومة مش بتوفر موقف لينا مناسب، فإحنا بنطلع نحمل من على الطريق، والطريق بيكون ضيق، فبيحصل تكدس في المرور عشان زحمة العربيات اللي بتحمل في الطريق، إضافة إلى إن رجال المرور بيخافوا ينزلوا في الأماكن اللي فيها بلطجية، ووقتها كل واحد بيمشى بمزاجه”.
