وجه قائد الانقلاب العسكري عبدالفتاح السيسي تعازيه لأبناء القوات المسلحة والشرطة، وأحداث استاد الدفاع الجوي، وقتلى ليبيا أيضًا، موجها رسالة: “مش عايزين نتشكك في بعض عشان الأحداث اللي بتحصل ديه”.
وقال السيسي خلال خطاب مسجل أذيع على القنوات المصرية: “نحن لا نعتدي ولا نهاجم، قمنا بعمل تاني يوم ردًا على مقتل أبناءنا والرد كان محل تقدير من كل المصريين والأشقاء العرب”.
وأضاف في خطابه: “محصلش أبدًا إننا اعتدينا أو غزينا، بتحدث إليكم، تم توجيه الضربات لـ13 هدف وتم إستطلاعها بدقة وتم جمع المعلومات عنها وعن أماكنها بدقة علشان محدش يفتكر إننا بنوجه ضرب عدائي ضد مدنيين”.
وتابع: “في رمضان كان في عناصر إرهابية بتفطر وبعدد ضخم ومش ضربنا عشان كان في أطفال ونساء وسطهم وموجهناش الضربة عشان أخلاقنا ودينا”.
واستطرد: “الأشقاء العرب اتصلوا بيا عشان يعرضوا مساعداتهم موجهاً الشكر لملك الأردن والسعودية والإمارات والكويت والبحرين، كان موقفهم نفس الموقف”.
وأردف: “الشيخ محمد وهو بيتكلم معايا كان بيقول إيه القوات اللي أبعتها، القوة العربية الموحدة أصبحت ضرورة ملحة لإن التحديات اللي بتقابل المنطقة ودولنا تحديات ضخمة جدًا”.
وأكمل: “أوجه التحية لقواتكم المسلحة ومش بس في المنطقة الغربية، قواتكم موجودة في الإتجاه الغربي والشرقي ومع الحدود الجنوبية، لا تعتدي ولا تغزو أحد ولكن تحمي شعب مصر”.
وأكد أن أي تقصير سيتم محاسبة المسئول عنه، قائلا:” مفيش مسئول يثبت تقصيره الإ وهيتم محاسبته، ومهم تعرفوا موضوعين شيماء الصباغ ودار الدفاع الجوي أمام النيابة العامة، وكنت بكلم النائب العام من يومين وانا مش بتدخل في شئون القضاء، قالي ببساطة يا فندم محدش هيكون معانا وإحنا بنتحاسب.. وده صحيح”.
