قامت شرطة المرور بالإسكندرية، ظهر أمس، بشن حملة مرورية على طريق "الإسكندرية – مطروح"، في مدخل الهانوفيل غرب الإسكندرية، فيما تمركزت أوناش المرور بعرض الشارع، وقامت بغلقه تمامًا، ما تسبب في غضب المواطنين والمارة، بعد حدوث شلل مروري تام بطول نصف كيلو متر.
إذ تم التحفظ على عدة دراجات نارية، وكذلك سيارة أجرة، فيما قام ضابط بإجبار المواطنين في الشارع بمساعدة شرطة المرور فى رفع الدراجات على الأوناش التابعة لشرطة المرور، ما سبب سخط المواطنين، فيما رفض البعض المساعدة، وقال آخر: "اللي هيساعد البلطجية يبقى بلطجي زيهم".
وقال "أحمد حسين – سائق": "والله غلبنا وغلب حالنا في البلد دي، المرور المفروض يقف ينظم المرور ويقف في مكان يقدر يظبط بيه أي حد مخالف، مش يقف بالأوناش بعرض الطريق ويوقف الطريق كله يرضى مين ده".
وافقته الرأي "أسماء إسماعيل" والتي صرحت لمراسل الشبكة قائلةً: "كل يوم على الحال ده، والمشكلة إنهم مش بينظموا المرور ولا بيعملوا حاجة غير إنهم يعطلوا السكة هو في مرور يقف بعرض الشارع بالعربيات".
وقال "مصطفى جبر- سائق": "أول مرة أشوف مرور في العالم يقف فى الشارع بالعرض، ويوقف حركة الشارع كلها، وكل ده فى الأخر عشان أديله ورقة بعشرين، وكل رتبة ومقامها ولو مدفعتش ابقى مخالف هي دى بلدنا".
