شهدت مدرسة مصطفى كامل الثانوية الفنية بنات – التابعة لإدارة شرق التعليمية بالإسكندرية – واقعة غريبة من نوعها، بعدما تفاجأت طالبات المدرسة بوجود آثار إجهاض داخل إحدى دورات المياه الخاصة بهن.
وبعد انتشار الخبر سادت حالة من الفوضى بين الطالبات بالمدرسة، فيما طالبت الإدارة من الطالبات والمدرسين بالتكتم على الأمر، واتخذت موقف المتفرج على المشهد.
وقالت إحدى الطالبات – على حسابها على موقع التواصل الاجتماعي "فيس بوك" – إنها بدخولها لدورة المياه، تفاجأت بوجود آثار دم للإجهاض، وعبّرت عن سخطها من قرار شئون الطلبة بالكشف على كافة الطالبات لمعرفة الفتاة التي أجهضت نفسها بدورة المياه.
وقالت: "هو إيه اللي بيحصل ده، أنا مش عارفة أعمل إيه ومش عايزة أروح المدرسة دي تاني واللي هيقولي إن المدرسة بتعمل مستقبل وبتربي الأجيال يبقى شكله كدة مدخلش مدارس".
وأضافت فتاه أخرى: "النهاردة كان يوم عجيب من أوله أصلًا، وكمل كمان بمصيبة، لما جيت أدخل الحمام النهاردة في المدرسة لقيت منظر مرعب جدًا، وحسيت إن فى كهربا مسكت فيا، كان الحمام فيه دم وشكله غريب صرخت وطلعت أجري، البنات كمان كان في منهم بيصرخ وبقيت بخبط فى أي حد فى وشي، وحسيت إن الدنيا كلها بتلف بيا، والمدرسين حاولوا يهدوني، بعد كدة نبهوا علينا منحكيش اللي احنا شوفناه ده خالص لأي حد، ولما فوقت عرفت إن كان فى بنت معانا كانت حامل ونزلت اللي فى بطنها".
فيما عبرت الفتيات عن استيائهن من الحادث، وتعامل إدارة المدرسة معه بالتكتم، وتساءلت أخريات عن سبب نزولهن للمدارس، بعدما فشلت في التربية والتعليم للطلاب.
