تدخل أزمة انقطاع المياة يومها الرابع في معظم الأحياء السكنية بمدينة السادس من أكتوبر، حيث يستمر انقطاع المياه يوميًا من الساعة الثانية عشرة منتصف الليل حتى السادسة صباحًا، مع استمرار شكاوى المواطنين من عدم صلاحية المياه للشرب بعد عودتها، وتغير لونها.
وبسؤال بعض الأهالى عن آرائهم حول هذه الأزمة، قالت الحاجة "م.ج": إن المشكلة في انقطاع المياه هي إنها ملهاش بديل، يعنى الكهربا لما بتقطع بنشغل الكشاف أو المولد، لكن لما الميه تقطع هنعمل إيه؟ مفيش ميه في المواسير علشان الموتور يطلعها".
فيما قالت "ع.أ": إن مشكلة انقطاع المياه والكهرباء تحتاج حلولًا جذرية، وليست حلولًا مؤقتة، مضيفةً "المشكلة إن كل اللي كانوا بيعترضوا وقت حكم الدكتور مرسي مبيعترضوش ليه دلوقتي، لازم يبقى فى نوع من أنواع الضغط الشعبى علشان الحكومة تستجيب".
وقال "ع.إ" ساخرًا: لازم الريس يشوفلنا حل، يا إما ميخليش الميه تقطع يا إما يأخر لنا صلاة الفجر!
وأردف "ع.ع" قائلًا: "الحكومة بتقطع الميه فى الوقت دا، معروف إن دا وقت النوم، ولازم الشعب يستحمل علشان الحياه تمشي، نعدي الأزمات البسيطة دي علشان البلد تمشي، احنا تعبنا".
