"نفسي في مخدة بدل الشبشب أسند رأسي عليها"،" نفسي أفرد رجلي وأنا نايم وأتقلب براحتي"،" نفسي أنام وأصحى وأنا مطمن مش أصحى على سب الدين أو طرقعة على قفايا"… أحلام لفتى مصري في مقتبل عمره، سُجن ظلمًا وحكم عليه بـ15 عام والتهمة: رفضه لحكم العسكر.
إنه "عبد الرحمن الجندي" 19 عامًا – طالب بكلية الهندسة بالجامعة الألمانية – تم اعتقاله ووالده في يوم السادس من أكتوبر 2013 ، كما تم فصله من جامعته، ثم صدر عليه حكم – مؤخرًا – بالحبس 15 عامًا.
صفحة "الحرية للجدعان" المعنية بنشر أخبار المعتقلين، نشرت رسالة لعبد الرحمن كتب فيها أحلامه وكانت كالتالي:
1- ألاقي مخدة بدل الشبشب أسند راسي عليها.
2- حاجة طرية أنام عليها بدل الأرض.
3- أفرد رجلي وأنا نايم.
4- أتقلِّب.
5- أنام وأنا متطمن إني مش هصحى على صوت بيسب الدين أو إيد بتطرقع على قفايا.
6- أدخل الحمام من غير ما استنى 25 واحد قدامي.
7- مكان أذاكر فيه وحاجة أعلى من الأرض أسند عليها.
8- أشوف أهلي أكتر من نص ساعة كل أسبوعين.
9- أشرب ميه نضيفة.
10- أشوف الشمس.
11- أدخل الامتحانات.
12- آخد نفس من غير ما أفتكر إني مسجون.
