تشهد مدينة الإسكندرية انقطاعات مستمرة ومتزايدة للتيار الكهربائي، وبالرغم من ذلك ترتفع فواتير الكهرباء في ظل الانقطاعات المستمرة، إلا أن هذا لم يمنع البائعة الجائلين من سرقة الكهرباء واستخدامها نهارًا في تشغيل المصابيح والمسجلات والثلاجات الخاصة بهم.
وهو الأمرالذي يزيد من الأحمال على الكبلات العمومية والتي بدورها تقوم بتغذية المنازل بالكهرباء، وسط غياب أمني تام وغير مسبوق لردع هؤلاء الباعة ومحاسبتهم على هذه الأعمال الكارثية.
وقال أحد المواطنين ويدعي "ماجد محمد": "فين الحكومة احنا مبنشوفش الحكومة دلوقتي غير عشان حاجة واحدة إن حد يشتم فيها غير كده الحكومة ملهاش أي وجود والدليل سرقة الكهرباء وكمان الفجر مشغلين الكشافات بتاعتهم بالنهار طب هيستفاد بيها ايه!!!".
وبدورها أضافت "ميرفت إبراهيم"، "حسبي الله ونعم الوكيل الكهرباء مقطوعة ليل نهار في البيوت وشويه البياعين دول واخدين كهرباء ببلاش ومشغلينها ليل نهار فين السيسي اللى بيأمر الشعب انو يصبر على قطع الكهرباء!!!".
وتساءل "أمين حسن" قائلًا: "هو أبو بلاش كتر منه؟ والا ايه، حاجة ببلاش مش هتفرق معه يشغلها ليل نهار عادى لكن إحنا غلوا علينا الكهرباء وبردوا بيقطعوها حسبي الله ونعم الوكيل".
بينما علق هندي علي قائلا: "حسبي الله ونعم الوكيل في الحكومة والسيسي والبلطجية ارحمونا"، مضيفًا "أي حد دلوقتي عايز يعمل حاجة في البلد دى بيعملها ومش ماشى فيها غيرهم كهرباء ببلاش ومن غير ولا مليم ومشغلينها بالنهار اه الفايدة منها طيب وفين الحكومة تيجى تشوف المصيبة دي ولا هما مش فالحين غير إنهم يقطعوها عننا ويحسبونا بأسعار أضعاف مضاعفة".
