تغرق منطقة الفلكى بشرق الإسكندرية بمياه الصرف الصحي، ولا أحد يستجيب لنداءات المواطنين المتكررة لإنقاذهم من مياه الصرف الصحي التي دخلت إلى المنازل والمحال التجارية، ودمرت كل شئ.
وبسؤال أهالي المواطنين عن هذه المشكلة، يقول محمد علي: "احنا مش عارفين نعمل ايه؟ مش أول مرة يحصل الموضوع ده والميه بتدخل جوه البيوت والمحلات ومحدش حاسس بينا".
وأفاد حسن عطية، "أنا عندي ورشة نجارة والمحل كله عبارة حمام سباحة والميه بوظت كل حاجة بما فيها الشغل، والعدد اللى موجوده جوه".
ويستغيث أحمد محسن قائلا: "احنا شعب غلبان مع حكومة الغربان دى من وقت ما مسكت والمصايب نازله ترف على دماغنا، والشغل كله باظ جوه المحل بسبب الميه اللى غرقت الدنيا، وبنتصل ببتوع الصرف محدش مهتم بينا، وكلمنا المحافظة محدش عايز يجي ينقذنا".
وبدورها تضيف حنان مسعود: "أنا الميه دخلت جوه الشقة عندي والعفش وكل حاجة باظت مش عارفة أعمل ايه؟ والحكومة نايمة فى العسل نوم، ولا النور اللى مش بنشوفه أصلا والمصايب اللى مش عايزه تخلص".
ومن جانبه يقول جرجس حنا: "احنا خلاص جبنا آخرنا من البلد، والعيشة اللى تقصر العمر دى، اتصلنا بالمحافظة محدش عايز يجى، فين المحافظ اللى نايم على ودانه بيعمل ايه قاعد فى المكتب تحت التكيييف، فين السيسى وفين المسؤولين نايمين فى بيوتهم ومش فالحين بس غير فى سرقة الشعب، فين الناس اللى انتخبت السيسى تشوف المصايب اللى احنا فيها احنا لو ولعنا فى البلد دى يبقى مش كفاية من اللى شوفنا فى الكام شهر دول".
ويضيف أمير محمد: "أنا عايز أسأل سؤال واحد الحكومة الفاشلة دي والرئيس اللي ملوش لزمة ده لو قعدوا في المكان ده يوم واحد هيعملوا ايه؟ مش عايز أكتر من الإجابة على السؤال ده".
