دشن مجموعة من النشطاء حملة إليكترونية على مواقع التواصل الإجتماعي "فيسبوك"، "وتويتر"، بعنوان "#انقذوا_رشا"، تضامنًا مع المعتقلة "رشا جعفر"، المعتقلة داخل قسم "الزهور" في "بورسعيد"، والمعروف إعلاميًا بــ"سلخانة قسم الزهور"، وذلك بعد تدهور حالتها الصحية والنفسية.
حيث تم التجديد لها أربع مرات، 15 يوم بكل مرة، كما تم ترحيلها اليوم 24 / 7 / 2014 لسجن بورسعيد مع الجنائيات.
يذكر أن "رشا" اعتقلت ثاني أيام انتخابات العسكر، من منزلها، فيما وجهت لها تهم تصوير لجان إنتخابية خاوية، والبث لقناة "الجزيرة".
وننشر لكم تفاصيل الحملة :
حيث دعا النشطاء لحملة إلكترونية اليوم في ليلة 27 رمضان الموافق 24 / 07 / 2014 في تمام الساعة السادسة قبل الإفطار سيتم خلالها :
1. تغيير البروفايلات بصورة رشا جعفر .
2. وتفعيل الهاشتاج #رشا_المعتقلة_المنسية في كل بوستاتنا النهاردة .
3. ونشر هذا البوست علي كل الصفحات .
" بتجهز نفسك للعيد ؟؟
جبت الهدوم و الكحك ؟
طب استنى معايا كده
و إفتكر يوم الانتخابات الرئاسية !
ايوووه .. اللى كان من زمان ده
من يومها فى بنت بايتة فى قسم الزهور و اترحلت السجن مع الجنائيات النهاردة !
طب تهمتها ايه ؟؟
لالا مش ارهابيه .. دى محفظة قرآن
رشا اتهموها بالبث لقناة الجزيرة
وفى أول عرض ليها ع النيابه وكيل النيابه قالها "اعتذريلى وأنا أخرجك"
ولما رفضت تعتذر عن حاجة ماعملتهاش جددولها الحبس
نسيت اقولك رشا اتجددلها 4 مرات كل مره 15 يووم
رشا حالتها النفسيه متدهوره لدرجة إنها مش بتقوم من النوم ..
رشا قضت رمضان فى السجن و هتقضى العيد كمان ف السجن بعد ما إتجددلها من يومين
صدعتك انا عارف
قوم هات لبس العيد و كعك وبسكوت و سيبك انت من الهرى ال فوق ده كله
#رشا_المعتقلة_المنسية
