كشف طالب بكلية الهندسة، عبر حسابه الشخصي بموقع التواصل الاجتماعي “فيس بوك”، عن تفاصيل واقعة اعتداء عقيد جيش بزي مدني عليه، داخل أحد المولات الكبرى بالقاهرة.
وعبر حسابه الشخصي بـ”فيس بوك”، روى أحمد إمام، الطالب بكلية الهندسة، أحداث واقعة الضرب التي حدثت له من عقيد شرطة، يوم الأربعاء الماضي، فى “فيوتشر إلكترونكس”، أحد مولات القاهرة، قائلًا: “كان معايا زميلي المهندس خالد وروحنا نستبدل component لسه واخدينه امبارح اتضح إن فيه عيب، بائع المحل باصص في الموبايل ومبصش لينا حتى وبكل برود في التعامل تعالوا يوم الاتنين، مع العلم احنا شغالين على مشروع تخرج والوقت عليه عامل كبير”.
وأضاف أحمد قائلًا: “اتكلمنا بكل احترام معلش يا باشمهندس احنا مش هنقدر نستني ممكن تشوفلنا حل، ولكن.. ابتدت نبرة صوته تعلى: انتو فشلة انتو عالم فاشلة، ووجه لينا كم إهانة فظيع”.
وتابع: “اتلم علينا 3 من المحل منهم واحد عقيد جيش بزي مدني وضربونا بعصيان حديد جوا المحل ونزلنا بعدها، لكن تيشيرتي كان متقطع وسبت موبايلي وكتبي فوق”.
وأردف: “طلعت استأذنهم آخد كتبي وموبايلي، اتاخدت جوا المحل وضرب لمدة ساعة إلا ربع من 3 أشخاص في مكان لا يتجاوز ثلاثة أمتار، بعدها بدأوا يكلموا النجدة ويلفقوا لي قضية بسرقة المحل”.
وأشار أحمد -في حديثه- إلى أن المصيبة الكبيرة ـعلى حد قولهـ أنهم أخدوا التيشيرت المتقطع ولبسوه لفرد منهم ولبسوني تيشيرت جديد، وابتدوا يساوموني على أن أقوالي في المحضر تضر زميلي خالد عشان اطلع أنا منها وبالطبع وافقت وأبديت كل فروض الولاء والطاعة لأني في موقف لا أحسد عليه، حتى وصل بيا الأمر بالتفكير بالنط من الشباك”.
وأكد أحمد أنه “بعد ساعة ابتدو يلعبوا معاه لعبه نفسية قذرة بحسب قوله، وأضاف “قعدوا يقولولي.. انت فاشل، انت فاكر نفسك مهندس، انت حمار مش نافع انت باصصلنا في رزقنا، وهنا نطقت ورديت: هل أنا عندي محل منافس أو حتى حاجة تخليني اعمل كدا؟ أنا بس طلبت ابدل حاجة ومكتوب على الفاتورة 14 يوم استبدال!! أضاف أحمد: لم يعجبهم ردي، وبدأ الضرب تاني من عقيد الجيش، لكن لما لقوا النجدة مش بتستجيب وإن المحضر لازم يتعمل هناك في القسم سابوني انزل لأنهم كانوا خدوا حقهم وفلوسي وبطاقتي، وأضاف “روحت قسم الوايلي أنا وصديقي وعملنا المحضر لقيناهم ورانا بيعملوا محضر بتلفيات في المحل، الذي كان حاله حال التيشيرت، بالفعل كانوا بيكسروا كل حاجة في المحل قدام عيني.. في القسم.. طلعت أنا رخصتي لأن بطاقتي مش معايا عشان نفتح المحضر وطبعًا العقيد مطلعش إثبات هويته”.
وأضاف “بدأوا يخوفونا بـ هتباتوا في الحجز كلكوا وتتعرضوا بكره على النيابة، وطلبوا مننا نتنازل عن المحضر ونعمل محضر تصالح، واختتم أحمد كلامه: للأسف مكانش قدامي حل تاني لأن الباشا طالع منها كدا كدا ومش طرف.. الخلاصة ربنا يخرجنا من البلد دي على خير”.
